أطباء سوريا

اهلا وسهلا بكم
في منتديات سوريا
أخي الزائر ان اردت الاشتراك
اضغط على التسجيل وان كنت مسجل سابقا اضغط دخول
وأهلا بــك


    جروحي تنزف أحلامي

    شاطر
    avatar
    Ranen
    ღ إِدارة الموقع ღ
    ღ إِدارة الموقع ღ

    انثى

    عملي : إدارة الموقع

    default جروحي تنزف أحلامي

    مُساهمة من طرف Ranen في الخميس يوليو 28, 2011 12:06 pm


    أنا حبيت انقلكن رواية خليجية طويلة باللهجة السورية بتمنى تتابعوني

    جروحي تنزف أحلامي

    قعدت وسندت ضهرا للشجرة الوحيدة ببيت

    عمّا عم تتأمل غروب الشمس والمعركة

    الدايرة بين الليل والنهار.... بين النور

    والظلام.... ابتسمت بمرارة وهي تشاهد انتصار

    الظلام على النور بس بكرة في يوم جديد

    وفي معركة جديدة بتنتصر الشمس فيها

    وبتطرد الظلام تنهدت بعمق

    وأخذ شريط الذكريات يمر أمامها لكن

    الظلام اللي خيم على حياتها ماله شمس

    تطرده
    -لازم يعني هالقعدة كل يوم بهالوقت


    التفتت بسمة على بنات عما يلي هلئ فاتو
    عالبيت: قاعدة عم أتأمل غروب الشمس

    هدى بسخرية: شو محببك بغروب الشمس
    لتتأمليه

    بسمة وهي قايمة: ما بحبه بحب الشروق اكتر
    بس كرهي الو ما بيمنعني أني أتعلم أتعايش
    معه متل مو بحياتي في أشياء ما بحبا بس
    متعايشة معا

    هدى : أنتي شو عم تحكي الله يثبت علينا
    العقل والدين


    هند : قصدا حياتا عنا

    كملت بسمة طريقا وما ردت عليها لتقصر
    الشر


    هدى عم تتطلع على بسمة وبعد ما راحت
    :
    يالطيف شو بكره هالبنت

    هند : حتى أنا بتصدقي أحيانا بحاول حبا بس
    لما شوف كل اللي بعرفون صارو يحبوها
    اكتر مني

    هدى مقاطعة : بدال هالمقدمة الطويلة العريضة قولي باختصار بغار منا

    هند بتلتفت على أختا وبتقول : و أنت ليش
    بتكرهيها يا ام العريف ؟؟
    هدى : بكرها هيك بدون سبب


    هند: ههههه بدون سبب ولا لأنو مرت خالي
    خطبتا لحبيب القلب

    هدى بعصبية : سكتي قبل ما تسمعك

    هند : حتى لو سمعتني ما في أمل إنا
    تتجوز سامي لأنو بابا رفض من دون ما
    يشاورا

    بسمة بنت اخو أبو عبدو محمد تعيش عند
    عما من سبع سنين بعد وفاة أبوها
    وأما ومها وأخوها بحادث سير عمرا19 سنة
    تدرس بكالوريا رغم صعوبة الحياة ببيت
    عما إلا أنها متفوقة حلوة كان جمالها

    بسيط هادى متوسطة البياض ويميزها صفاء
    بشرتها عيونا سود وكبار وشعرا اسود
    متوسط الطول وأحلى ما فيه أنو غزير

    هدى بنت عم بسمة اكبر منا تدرس جامعة
    سنة تانية حلوة وبتحب تغير شكلا كل فترة
    لشعرا قصة وصبغة مختلفة

    هند عمرا 17سنة تشبه أختا هدى إلا أنها
    قصيرة نسبيا ........
    **************


    عدل سابقا من قبل RanEn في السبت يوليو 30, 2011 7:31 pm عدل 2 مرات





    *

    *

    *

    ▓▓▓▓▓▓▓▓
    سوريا الأسد
    ▓▓▓▓▓▓▓▓


    ღ قالوا سوريا قطعة من الجسد ღ
    ღ قلت اللهم لا حسد ღ
    قالوا الشبل السوري صمد ღ
    ღ قلت ما عنا أشبال أصغرنا أسد ღ
    ღ قالوا أنتم ليس معكم أحد ღ
    ღ قلت لأ تخاف فنحن عشاق سوريا الأسد ღ
    ღ سوريا الله حاميها ღ




    avatar
    Ranen
    ღ إِدارة الموقع ღ
    ღ إِدارة الموقع ღ

    انثى

    عملي : إدارة الموقع

    default رد: جروحي تنزف أحلامي

    مُساهمة من طرف Ranen في الخميس يوليو 28, 2011 12:17 pm



    أول ما فاتت كانت مرت عما بالصالون
    وكالعادة لما تشوفا لازم تنكد عليها
    (سمعتي لعبودة )
    إي سمعتلوا بس الله يهديه....

    - لا بس ولا شي إذا جاب علامات قليلة يا
    ويلك يا بسمة

    - وأنا شو دخلني

    - دخلك انو هو مسؤوليتك وان ما نجح
    حلمي تقدمي الامتحان يعني بيروح تعبك
    عالفاضي

    بسمة بقلبا ولي على هالثانوية يلي كل
    شوي بتهددني فيها بس مالي إلا الصبر ..

    بسمة: لا إنشالله بينجح وبتفوق كمان

    ام عبدو بسخرية لنشوف التفوق

    تنتبه بسمة لرنة التلفون ترد ام عبدو
    :
    الو
    - السلام عليكم
    ام عبدو: وعليكم السلام آهلين وسهلين

    - سلمى: شلونك وشلون الولاد

    -ام عبدو: بخير والله أنت كيفك شو أخبارك
    وينك ما حدا بيشوفك يا مخلوقة

    -سلمى: خليها ل الله التهينا بالولاد
    والمدارس

    ام عبدو: إي والله المدارس جننتنا

    سلمى : أنا عم حاكيكي مشان أمل صرلا
    أسبوع غايبة متل ما بتعرفي وبد ياها
    تدرس مع بسمة

    ام عبدو: إيه ما عليه خليها تجي يوم
    الخميس تدرس معا كنت قلتلك اليوم بس والله

    رايحة لبيت أهلي

    سلمى : طيب خلي بسمة تجي لعنا لأنو متل
    ما بتعرفي أبو مازن مسافر وما عندي
    صبيان كبار تخافوا عليها

    ام عبدو: الله يسامحك أنتي متل أما بس ما
    بعرف إذا عما بيرضى لانوا نحنا بنتأخر
    عند أهلي

    سلمى: متل ما بدك ما بدي أحرجك

    ام عبدو : بحاكي أبو عبدو وانشالله ما

    بيحكي شي

    سلمى : يسلموا إيديكي بدك شي

    ام عبدو: سلامتك مع السلامة

    سكرت وقعدت تتطلع ببسمة نظرات كلها كره

    - هي جارتنا ام مازن بنتا كانت مريضة
    الأسبوع الماضي وبدا ياكي تساعديها اليوم

    بسمة بقلبا (والله مالك قليلة يا أمل قول
    وفعل):على راحتك مرت عمي

    ام عبدو :والله راحتي ما تروحي بس ام مازن

    غالية عليي وما بقدر ردلا طلب
    ****************





    *

    *

    *

    ▓▓▓▓▓▓▓▓
    سوريا الأسد
    ▓▓▓▓▓▓▓▓


    ღ قالوا سوريا قطعة من الجسد ღ
    ღ قلت اللهم لا حسد ღ
    قالوا الشبل السوري صمد ღ
    ღ قلت ما عنا أشبال أصغرنا أسد ღ
    ღ قالوا أنتم ليس معكم أحد ღ
    ღ قلت لأ تخاف فنحن عشاق سوريا الأسد ღ
    ღ سوريا الله حاميها ღ




    avatar
    Ranen
    ღ إِدارة الموقع ღ
    ღ إِدارة الموقع ღ

    انثى

    عملي : إدارة الموقع

    default رد: جروحي تنزف أحلامي

    مُساهمة من طرف Ranen في السبت يوليو 30, 2011 7:49 pm

    أمل : شو ماما انشالله وافقت

    ام مازن : أنت قاعدة بجنبي وسامعة كل شي
    ليكون عم احكي سنسكريتي ومالي دريانة

    أمل: حلوة منك يا أحلى أمل قصدي يا أحلى ام

    ام مازن : أمل قومي درسيلك كلمتين أنا
    متأكدة لما تجي بسمة فعلى المذاكرة
    السلام

    أمل : أية مذاكرة هي الله يهديكي أنا ناديت
    بسمة مشان ننبسط مع بعض مو ندرس

    ام مازن : أنا لو شفتك مقصرة بدروسك ما
    كنت ناديتلا

    أمل : صحيح كنت غايبة بس بسمة كانت عم
    تبعتلي الدروس كلا

    ام مازن عم تفكر : فيها الخير بس بتصدقي
    بسمة كاسرة خاطري

    أمل : إي والله يا ماما الله يعينا كل للي
    بالبيت ما بيحبوها لا عما ولا مرتو ولا هند
    ولا هدى بالعكس بيغارو منا بشكل فظيع إلا
    سحر يلي كانت منيحة معا تجوزت وسافرت
    وفقدتا بسمة كتير

    ام مازن وهيه عم تشوف الساعة : الله يعينا

    أمل : شو فيه ماما كل شوي بتطلعي عالساعة

    ام مازن: خالك خالد اتصل وقال بدو يجي وتأخر

    أمل : والله اشتقتلو من زمان ما شفناه

    ام مازن وعم تتنهد : حتى هو حالتو حالة
    من بعد يلي صار

    أمل: خالي خالد بيستاهل عامل فيها قيس ليلى

    ام مازن بعصبية : شو بيستاهل الله يهديكي من
    وقت كانو صغار وهنن خالد لعبير وعبير
    لخالد حتى حببوهن ببعض بس الله يسامح يلي
    كان السبب

    أمل : وهلئ عنجد عبير انخطبت

    ام مازن : والله ما بعرف وحتى لو ما انخطبت
    أبي مستحيل يخطبا لخالد مرة تانية بعد
    يلي صار

    أمل : أنا يلي قاهرني انو شو محببو فيها
    وهي قمة الغرور والتكبر

    ام مازن : سكتي وبلا طولت لسان

    أمل : آسفة ماما بس مقهورة منا ومن أما
    الشريرة

    ام مازن : شلون عم تحكي عن خالتي وبنتا

    أمل : آسفة ماما بس لما بشوف خالي
    المسكين وحالتو بحقد عليهون

    ام مازن : سكتي ليفوت خالك ويسمع القصة





    *

    *

    *

    ▓▓▓▓▓▓▓▓
    سوريا الأسد
    ▓▓▓▓▓▓▓▓


    ღ قالوا سوريا قطعة من الجسد ღ
    ღ قلت اللهم لا حسد ღ
    قالوا الشبل السوري صمد ღ
    ღ قلت ما عنا أشبال أصغرنا أسد ღ
    ღ قالوا أنتم ليس معكم أحد ღ
    ღ قلت لأ تخاف فنحن عشاق سوريا الأسد ღ
    ღ سوريا الله حاميها ღ





      الوقت/التاريخ الآن هو الخميس سبتمبر 21, 2017 3:50 pm